財務自由路

Skip to content

❤️財務自由路❤️

2022-06-04

[美股期權] 2022年5月期權收入

5月的期權收入有$8,415 港幣，比起4月的時候多了一倍。主要是5月的期權策略比較進取，因為想幫補多一點生活費，但我時刻都提醒自己不要過份貪心。做期權short side 贏面大，好容易會做多了，只要突然來一個大爆升或大爆跌就可能會把之前賺到的全輸光。所以不時要提醒自己，無論多進取都要 “有幾多錢做幾多sp有幾多貨做幾多sc” 。之後6月的期權金應該會再有所提升，主要有2個原因: 1.) SHOP 拆股，有多一隻股可以製造現金流 2.) 來英一個月，終於找到工作，之前預留大約3年左右的生活費可以用來做Short Put 預備接貨用
Read more
2022-05-21

[移民英國] 英國租樓初體驗 + 屎忽撞棍避開了幣災

到埗了幾個星期，終於算是落實了住的地方。話說英國搵屋租比我想像中不容易。首先可能最近這個月demand 真的很大，我們試過Walk in 找過幾個agent，都說附近沒有盤或者有些盤是7月之後才available。上Rightmove , Zoopla搵盤，基本上post 了超過3天以上的，大部份都已經租出。所以到了後期，我就是每天早上refresh 一下有沒有新盤，合適的就逐一打電話。 Agent 會問有什麼人住, 工作, 入息之類。一開始，我說我們剛到埗正在找工作。即使願意付半年到一年租，他們都不會考慮租給我們，因為很多業主都要求租客有正職和對入息有要求。因此，我收了很多reject 的電話。之後我又改變策略跟他們說明，我們有足夠的saving, 能付幾年的租，這招很有用，起碼能換到一個睇樓的機會 (當然，他們是會要求看銀行Statement去證明你真的有足夠saving的喔)。睇完樓後，出offer。基本上，全部都出高了25-50鎊，付一年租。由於真的有太多人爭，一個單位基本上有3-5個客人出價，所以兩次出價我們都沒有收到offer。我們的budget 大約是底於1400英鎊，由於工作關係，都選擇在zone 3 內。最後。我們睇到一個今年剛落成的新盤，有24小時concierge，傢俬全新，交通方便的地方。當然，單位會比較細而且在比較雜的區。但他們可以等到我們6月底才起租，重點是他們不只得一個盤，所以不用同人爭。衡量過後，就直接租這裡。總結一下，可能我們的budget是在1400英鎊及選擇zone 3 內，所以比較多人爭。如果選擇Zone 5, 或者Zone 3 內budget 有1600英鎊以上應該會比較容易。另外，新盤多單位由大業主放出來會比較容易租。舊盤，小業主可能就只有1-2個盤，如果多人出offer，小業主就會選擇租客，競爭會比較大。 =========================================================================== 話說前排，我都有做UST 收息 20%，做了1-2個星期，覺得個幣價好似慢慢跌緊。睇返收返黎既息加上幣價跌，放左兩個星期都係打和，所以就直接Redeem。加上要來英國的關係，賣了手上全部加密貨幣，所以屎忽撞棍避開了幣災。現在的的操作很簡單，只有按計劃儲股和做有covered 的Short Put/Short Call製造現金流。Settle down 後，會再慢慢儲幣。
Read more
2022-05-07

副業和被動收入

以前係香港返工時，有一個男同事被女上事針對，我是旁人看在眼裡都覺得好離譜。但男同事是一家之主，家有老婆和女兒。即使受氣，未搵到工之前都不能夠Resign。自始，我更加體會到有副業或者被動收入的重要性。在這幾年，我開始建立自己的副業和被動收入，但建立得有點佛系，有時有時無。現在，我比較倚賴的被動收入和副業有期權金，加密貨幣收息和接少量freelance。最近個市大上大落，我唔敢做太多期權而導致期權金收入大跌。寫這post 是開始讓自己量化這些收入，set 個目標俾自己。加上，建立多元收入真的好重要。以前買匯豐收息就可以夠退休，但20年後的今天，已經唔係呢個玩法。加密貨幣收息 – 主要做USDT 收息，因為來英國的關係已經暫停了，過幾個月settle down 後會重新投入收息期權金 – 會繼續做SP, SC，但會減產。因為之前個玩法，上年都還可以。今年市況極端，一日可以20%上落，做期權真係唔可以太進取。要細水長流，會做返保守一點 Freelance Digital Specialist – 這個新的副業是我上年休息6個月的時候開始的，幫人起網店和IG，都接到1-2單job，應該要做大少少，希望一年都有幾單做下自媒體 – 寫blog 分享已經兩年，其實都好佛系，今年開始有個IG。希望之後一星期都有1-2個post 做返起個人氣。可以透過自媒體有點收入物業收租 – 原本年半前有個機會可以達成，但衰on9，不要再說了，之後會再努力。股息 – 2017-2019年的時候，我是以儲股收股息為大前提做投資。之後，賣晒收息股轉買美股，就再沒有收息了。我覺得今年都係一個好開始再儲收息股。網店 – 從16歲開始到剛畢業都有斷斷逐遂做一些少買賣，包括有化妝品，書，電器，代購和偶像週邊商品。每次都只是持續一段小時間，不能sustain。最近又有新想法想開一個網店賣自己手作野，希望今次這個可以sustain。
Read more
2022-05-01

[美股期權] 2022年4月期權收入 (4K) +到埗英國

今個月期權收入有4千HKD，比起之前大幅跌左。因為個市真係好麻麻加上想留多D錢做生活費, 所以減少了做SP，只做少量SC。做期權真係要控制住自己唔可以貪心，咁就可以安心月月有現金流。另一個好消息係SHOP 同TSLA黎緊會拆股，呢兩隻股係我proforlio 重倉股但又因為股價太大唔多適合做期權。拆股後，我就可以有多兩隻股製造現金流。至於我個美股porfolio, 都係跌到慘不忍賭，基本上我都少睇。因為一早set 好左plan ,到價就做買賣。 ======================================================================== 講左咁耐，終於都到左英國。未到之前有D焦慮，到左之後呢度天氣好好，周圍行下又訓得幾好，反而焦慮少左。黎緊會多D係到分享英國生活。
Read more
2022-04-05

[美股期權] 2022年3月期權收入 (21K)

寫2月期權收入時，個市仍然係大跌中。當時我說停止SP, 只做少量SC。之後短短一星期，成個市況逆轉。基本上SC 的貨已全部call 晒出去。以SHOP為例，短短4日由$512 升到$780 升左52%。我平時做SC基本上會開價外10%-20%左右，以為都算安全，遇到呢D市就真係左一巴右一巴。做期權short side ，最好個市唔太旭, 就可以月月收息。做SHOP 呢種股價偏大的股，本身持股就不太多，一張期權被行使就call走大部份貨。所以4月的策略又要改變，雖然個市升左唔少，但成長股股價還是偏低。我會以慢慢儲股為主加少量細價股SP+SC。總之想做到的是期權買賣不影響我原本的正股計劃，寧願佛系收少D期權金都唔想太進取整亂正股Plan。
Read more
2022-04-01

[英國移民］新加坡電視台-BNO移民特輯

特輯上半部睇到佢地困難重重，未有Visa, 未搵到工。去到下半部，已經見到好明顯既改變。小朋友改變最大，已經返緊學，好快融入到其他同學仔。太太都好叻，搵到份Recreuitment 工。影片入面都提到佢地做餅廠，入面有好多香港黎既專業人士，有好多都有master畢業都係做同一份工作。前幾個月對移民都無咩大感覺，呢個月開始搵工就終於感覺到少少壓力。嘗試過send CV，十份入面有一份有得見，始終都無好似係香港一樣得心應手。所以睇到呢個報道，其實都係一個鼓舞。身邊都有朋友去左英國，條path 都係一開始先做廠，之後就搵到admin 工。如果係Manchester 會容易生活少少，但如果係London, 其實都唔太容易，因為租金都高。移民去英國，如果已經係香港供滿層樓，賣左層樓去英國生活，係easy mode。但如果未累積到太多資產，其實都唔容易。係香港工作十年，所有事物都上晒軌道。現在好似重新返去Fresh grad mode, 跳出confort zone 再黎過。
Read more
2022-03-11

移民斷捨離 – 書

最近要清理很多東西，基本上書這些很重的東西，我都不會帶走的了。看看有沒有人會想要，以下是書名的例表。書的圖片可以到我的ig story 看: https://www.instagram.com/s/aGlnaGxpZ2h0OjE3OTM4MDY5NjU0ODUwMjU1?utm_medium=share_sheet PS: 由於有些書已經有一段時間，所以可能會有發黃的情況。會用順豐到付，書不是放在我身邊，所以統一逢星期三寄出。理財雲地 – 我們很窮，所以變成有錢人 ($50) 期權先生 – 期權現金流 ($50) 小子 – 零成本股息投資法 ($ 50) 黃泰為, 區塊客 – 比特幣投資全書：專家教你買賣加密貨幣Step by Step ($50) 哲學三島由紀夫 – 不道德教育講座 ($50) 飲荼 – 史上最強哲學入門:從柏拉圖、尼采到沙特，解答你人生疑惑的31位西方哲人 ($50) 飲荼 – 史上最強哲學入門：從釋迦牟尼、孔孟老莊到禪宗，啟悟自我內心的13位東方哲人 ($50) 傅佩榮 – 一本就通：西方哲學史 ($50) 普朗光 – 道德經 ( $10) 張燦輝 – 生死愛欲I：從希臘神話到基督教…
Read more
2022-03-09

一個人搬出黎住既日子

我大約從二十六歲開始就搬出來自己住。跟香港大多數年青人一樣，都是因為家裡沒有屬於自己的房間，沒有一個位置放屬於自己的東西。香港樓價高企，想搬出黎住唔容易，尤其係對工作不久的年青人。到底應該儲錢買樓定及時行樂租屋住? 我最後選擇了後者。第一次搬出來住, 我選擇了租北角的劏房, 月租屋$5,800，大約130呎。由睇樓到租樓大約用了2天時間。劏房雖少, 但有自己空間已經好開心。從那時開始，留意多左香港樓價情況。同時，也因為深感單靠人工難以買樓，所以從那時開始學習投資。當搬出來住之後，有屬於自己既空間，思考既野又多左，個人都成長左好多。隨住之後轉工升職加人工，就開始慢慢搬去較大的單位。如果你問多我一次，會唔會後悔搬出來住，儲少左錢。我會話我好後悔太遲先搬出來住。有能力既話，應該愈早愈好。當然，搬出黎住之後，支出大左。我盡量都會控制租金唔好超過人工3成。而且，盡可能搵多D方法開源。
Read more
2022-03-07

2022 年期權收入 (1月51k, 2月23k)

有一段時間沒有update，報返呢兩個月期權收入。 1月有$51,290 ， 2月有 $23,786。看似都唔錯，但呢兩個月接左既貨都係挨價。我做期權主要係short side 為主，做到月月收息效果。不過黎緊市況唔太好，我要留多D cash 係手，唔會做太多short put。我都係期權新手，技巧仲有待磨練。今年既期權策略會有D改變。希望可以優化到成個portfolio。
Read more
2022-02-24

回歸基本

大市最近兩個星期極不穩定，打杖消息又彈出彈入，加上我手上重倉的都是成長股，基本上個倉被血洗。既然係咁，都無辦法啦。一切回歸基本步，保住個本，過到呢個熊市就係冠軍。為左可以無驚無險過到呢個熊市，早幾天止蝕了一點入價的Short put 和沽空幾隻股票，取回資金。現在，現金比例大約60-70%。每跌5-10%會買入一點TSLA 和 SHOP (TSLA 和SHOP 大約在$800左右開倉)。如果DIS 和 AAPL 有機會跌到 $120 左右的位置也會開始開倉。剩底的成長股, 差不多跌夠9成時，我會買入一點駁返彈。即使不能返彈，成本不多也可以做Short covered call 回血，增加現金流。另外，短期內不會或只做極少量的short put。過到呢個熊市, 一段時間過後，又會是另一個光景。
Read more

«Previous Page

1 2 3 4 … 6

2025 (1)
2023 (1)
2022 (24)
2021 (8)
2020 (17)

移民英國
移民準備
美股
英國理財
加密貨幣
月結
期權
未分類

我的財務自由路失敗了2025-02-23
優化了的期權策略2023-01-15
Halifax switch account 賺左175鎊2022-12-25
WeLab 定期存款+英國SAYE (Save As You Earn) 股票儲蓄計劃2022-10-24
經濟唔好，唯有乖乖上班2022-10-01
[英國理財] 製造現金流 – 股息 VS 期權2022-08-21
我的存幣策略2022-06-19
英國搵工難唔難?2022-06-18
英國搵工炒散APP推介2022-06-11
休息7個月後，終於係英國做黎生2022-06-08

Type your email…

Join 7 other subscribers

Mathilda on [期權] 2021年期權收入 – 46萬2022-02-13
綠魔Luk Mall on [期權] 2021年期權收入 – 46萬2022-02-13
allaboutfreedom1988 on 我曾經也是月供股票的信徒2020-04-13

❤️ 我喜愛的Blog ❤️

Duncan 新價值投資
傻貓自由講
啊壽的投資星球 AR SHOU INVESTMENT PLANET
美股軍師 BeyondFang.com
綠魔投資💰
《窮小子雲地》
美股及科網股長線投資網誌
股市漫遊
Robot’s 生活和投資
唔駛做都有糧出
賺埋D冇汗錢
胡言亂語 ver.1
O’Simon’s Workshop
不倒翁投資學
執迷不悔之路

💰優惠碼💰

GiffGaff – 英國電話卡 – Get £5 Credit
🎉 英國銀行户口 – Monzo 開戶有 £5!，活期存款1.45%

Proudly Powered by WordPress