Author: Mathilda

優化了的期權策略

各位，新年快樂! 又一段時間沒有更新blog 了。最近讀到傻貓的Blog 2022 投資成績表：賭徒性格導致血流成河有感而發。我是從2021年開始賣期權賺被動收入的，當時和傻貓的操作差不多，每月可以賺3-9萭左右的收入。當時覺得錢原來咁容易賺。由於我主要做美股科技股，仲要係細價股個隻。2021 年11月左右開始跌到阿媽都唔認得。全部入晒價，要接貨之餘，股價已跌穿行使價很多。我知道要準備來英國，為了保住來英資金，當時我把接到的股大部份賣了。回頭看，也好彩賣了，因為現在股價跌得更殘。2021年全年期權收入是46萬，但計埋蝕價既錢應該係得返十幾廿萭左右。我並無因為咁而放棄賣期權，始終我覺得呢個係一個好好既被動收入方法。就算無得賺幾萬蚊, 一個月幾千幫補下都好。上年開始，我優化了我的期權策略，Run 了7-8個月左右，以40萭作接貨本金，每月有大約有$8000 – $20000 港幣左右的被動收入。以下是優化了的策略: 永遠不做孖展，有幾多錢接幾多貨有幾多貨做幾多Short Call, 一定要有Cover 做TQQQ 同SQQQ 指數為主，兩邊一齊做，升跌都有cover 盡可能接不到貨，如接到，盡快賣出或做Short call賣返出去以保住40萬本金為大前提如果股價或指數到了死亡交叉位，如有貨係手，一定要全數賣出仍然會做少量跌得很殘的個股，但會開較遠的價，以接不到貨為目的只賣近1-2個星期的期權，因為太遠期，如果入價，很難補救承上，盡可能不Roll，以前很喜歡用Roll來處理入價的期權，經過多次交易後還是覺得不Roll較好每個月把賺到的期權金轉出，落左袋先係自己錢感覺上這策略還可以，但投資要與時並進，現在可行不代表以後都可行。我會定期review，在這裡更新。

Mathilda

2023-01-15

期權
Halifax switch account 賺左175鎊

話說英國其中一個比較多人用的賺錢方法就是Switch account。前陣子, Halifax 有175鎊Switch account優惠，我跟著指示，開了Halifax account並關了Barclays 的account。幾天就收到175鎊, Easy money! 個市依然不太好，我還是以期權Short side為主，每個月賺取1-2萬零用錢。雖然說以不接貨為大前提，但依然是接了一點SQQQ和TQQQ。做這兩隻的好處是即使接了貨，也可以兩邊對沖。另外ISA 户口買了一點FTCH，點知不斷買不斷跌，現價是3.91USD。現在有很多股開始跌進長線投資可入範圍，留多一點彈藥，下年就開始慢慢收集。至於加密貨幣，我的數量不多，大約有兩萬港幣在Binance，以每天30USD日供ETH中…..

Mathilda

2022-12-25

英國理財
WeLab 定期存款+英國SAYE (Save As You Earn) 股票儲蓄計劃

話說自我有意識理財開始，定期存款都不是一個會考慮的投資方案。因為打從我工作開始，都是處於一個低息的環境。我的印象中，只有阿婆才會做定期。反正有一筆港幣閒錢,看到WeLab 半年定期有3.6%年利率，就開始做了這個定期。投資方面，仍然是要期權和短炒為主，想累積足夠多的資金才開始存股。在英國打了3個月工，開始慢慢適應。英文聽力都進步了，多了和同事吹水。最近，公司推出了一個Save As You Earn (SAYE) 的股票儲蓄計劃，這是一個零風險的儲蓄計劃，當然要參加。這個計劃為期3年，可以自行選擇每個月儲多少錢，最多可儲500鎊。公司會以現時的股價打八折作為買入價。 3年後，就可以以這個價錢買入股票。如果3年後股價低於買入價，你可以取回所有本金。如果3年後股價高於買入價，你可以賣出股票賺取利潤。如果中途離職或停供，可以全數取回本金。是一個有包底的投資計劃。

Mathilda

2022-10-24

英國理財
經濟唔好，唯有乖乖上班

2022 年是很不容易的一年。以前經濟差的日子，我還沒有開始工作，沒有什麼感覺。之後開始上班，就正值是香港經濟，樓市起飛的時候。今年來到英國，物價通漲，租金車費都貴了，稅又高，公司開始freeze headcount, 裁員。終於感受到經濟變差帶來的影響。財務自由的路又遠了。最近基本上只有10% 倉位，期權都不會做得太進取，只在大升或大跌時才做SP，SC。多數做SQQQ 和 TQQQ。每個月有幾千到一萬的收入，加上每月固定的薪金。希望到下年左右的時間能累積多一點現金。來到英國，財務自由的選擇又多了。可以選擇繼續在倫敦，基上倫敦跟香港一樣是hard mode，而且應該是更困難，因為稅高，即使升職，薪金也不會高很多。如果選擇在北面，例如Manchester, Leeds，二百萬港幣左右就有會不錯的兩房單位，是easy mode。

Mathilda

2022-10-01

未分類
[英國理財] 製造現金流 – 股息 VS 期權

剛投資的時候，我多數是以收集股票收取股息為主，打算儲夠一定股數就能收息退休。後來學懂期權後，就偏向做期權Short side 製造現金流比較多。當然，兩者的操作和風險是不同的。如果人在香港，Why not both，可以分散投資。來到英國後，見港股抵買，本想買點收息，但發現股息收入是屬於Income Tax，如果一年的薪金，股息和租金收入加起來多於 £50,271，就要交40%稅 (這個基本上是極容易過的)。當然每年可以有 £2,000 Dividend allowance 和在ISA户口收息是免稅的 (能於免稅情況下收到的股息少之又少)。反而，期權金收入是屬於Capital Gain Tax, 最高的稅率是20%，所以如果你的股息收入高於allowance 和超過40% Tax Rate，不妨考慮一下期權金收入。股息 VS 期權回報同樣以一百萬港幣作本金, 低風險不太進取地賣出期權合約賺取期權金,每月大約有1%回報, 一年大約是12%。如購買股票收息，以港股為例。一般每年股息率是3-5%, 稍高的可以有8%。被動性購買股票收取股息，可能只需要間中留意財經新聞。一般來說敞著也能收息，可以算是被動收入。如果每月想達到1%期權金的目標，可能需要每星期也有交易才能達到，是比較需要花點力氣的被動收入。風險收取股息和賣出期權賺取期權金各有風險，而風險本身是在於選股。如果選中的股票一直跌，而且本身並不打算坐貨，不論是那一個方法，都會賺息/期權金蝕價。如果要比較，賣出期權合約賺取期權金的風險可能會較高。主要是人的心魔比較難控制，很容易會賣出超出接貨能力/多於持貨的期權合約。

Mathilda

2022-08-21

英國理財
我的存幣策略

幣市大跌，我會默默地存幣。以下是我的存幣策略。只用Drop to Zero 也不心痛的金額投資加密貨。打從一開始投資加密貨幣，我就只用即使是Drop to Zero 也不心痛的金額投資，而且要反覆提醒自己。我對加密貨幣的技術是有信心的，但我對他現在的應用就很存疑，感覺確實有點像 2000年的dot com bubble。互聯網的應用也要於10年後 web 2.0 才得以發揮。加密貨幣的應用什麼時候才能成熟或者會否有這一天，我不太知道。不過，我會用即使是Drop to Zero 也不心痛的金額去參與，即使有天全軍覆沒，也不會有太大損失。 (我只會買BTC 和ETH 喔!) 平均成本法設定好總共想投入的金額後，就會平均成本法，每跌一個數量就買入少量。因為不知道最後到底會跌多少，當手上的資金用完後，我就會停止不再買了。配合收息和期權策略收息: 放在幣安 (Binance) 收息，現時幣安的BTC是0.1%-5%,ETH 是0.1%-2.4%, USDT 是 1% – 10%， USDC 是 0.3% – 1.2% 期權: 在bit.com不斷做short covered call, 收取BTC 和ETH 作期權金。由於有加密貨幣作掩護，這個操作風險極低，收取的期權金一般都可以比收息多。這個操作是即使資金用完了，仍然能夠生生不息的存幣。熊市過後，市場就會獎勵這些默默在存幣的人。假如，以後真的再沒有牛市。由於金額不多，也不會對生活做成影響。

Mathilda

2022-06-19

加密貨幣
英國搵工難唔難?

搵工是很多來英國的人最關心的議題。如果要形容難唔難，我會形容為會受到很多打擊但唔算太難。當然，每個人的情況，學歷，經驗，和接受能力不同，不可以一概而論，以下是少少心得和總結。 1.) 英國是用人為才的國家，不會因為口音和種族而不能做管理層網上面有很多言論說，我們亞洲人剛去到外國，人家有什麼可能會讓你做管理層。這是大錯特錯。首先，英國是一個多元國家，大家都很習慣與不同國藉的同事工作。所以，只要溝通到，讓公司看到你的能力，絕對可以拿到管理層的職位。我的朋友加上我自己，最起碼有5-6個例子是剛到埗拿到Manager 的職位。不過，反而是即使你拿到管理層的位置，稅後人工並不會太高，比起香港會少很多，要有這個心理準備。 2.) 要有心理準備不斷被人Reject，這是很正常的搵工難唔難，這個真是每個人情況都不太一樣，我有認識的朋友未到埗已經找到工作。做IT 的很快就有幾個offer在手。我自己是做E-commerce 的，我會形容難度就好像Fresh grade 搵工，因為始終沒有英國經驗。或者我用數字來表達會容易一點，我一共發了180封CV，收到15 個電話 Interview，有7個能進入second in /final in，最後收到3個offer。 hit rate 是1.7%左右。網上KOL很多都是用誇張正面標題來吸引人，所以常常覺得別人好像好易找到工作。如果我告訴您，我到埗一個月有3個offer，你可能覺得很容易。但如果我用另一個方式表達，Send 了180 封CV，有165封都被Reject 了，你就會明白，我是失敗過很多次的。 3.) 即使找不到文職，只要肯做藍領，隨時都可以返工。錢永遠是準備得愈多愈好，讓你可以有充足的時間找回本業。當然如果帶不夠錢，只要肯做藍領，隨時都可以返工，這個不用太擔心。至於點搵工，可以參考上一篇英國搵工炒散APP推介 4.) CV 上要寫Right to work 面試技考那些網上已經有很多專家，我就不多講了。跟香港有一點不同的，就是在CV 和Cover letter 台頭寫返”Eligible to work in UK, no sponsorship required “等字眼讓HR 知道不用額外為你申請Visa。 5.) 開Linkedin Premium, send inbox message 給HR 或…

Mathilda

2022-06-18

移民英國
英國搵工炒散APP推介

話說在未找到文職工作前，曾經用過幾個炒散app找工作。我覺得這些app對剛到埗想搵炒散工作或者對想餐廳，廚房，地盤，包裝等工種有興趣的人都好有用。以下是少少資料和心得: Coople: 需要提供NI開户，不需要面試。人工較高，有文職工作如批學生貸款，移民文件等。krispy kreme 長期請人包Donghnut。 Indeed Flex: 需要提供NI開户，有大約5分鐘左右的簡易Zoom 面試。6月30日前用Code [BMYFI] 於Indeed Flex開户, 完成第一份Job 後可以獲得40鎊。工種多，以待應工作為主。 GIG: 需要提供NI開户，有大約5分鐘左右的簡易現場面試。人工較低，但會有些包住宿和飲食的工種，可以節省住宿費用。 Placed: 直接與雇主聯絡，可以後補NI。適合剛到步未有NI但想工作的人。

Mathilda

2022-06-11

移民英國
休息7個月後，終於係英國做黎生

上年11月辭職後，休息了7個月，終於開始要係英國上班了。來到英國搵工一個月左右，有2個offer，遲一點我會另外出個post 講有關搵工的心路歷程。我不想把這件事形容得過份樂觀或者悲觀，畢竟每個人情況都不太一樣。總括而言，我覺得可以引用沈旭暉的一篇文章內容，就是”移民英國係要好有決心，同準備去面對一切難題，而最終係會收成正果。” 沒有上班的7個月，像過著退休生活。係超級爽。話說我間中是會有頭痛的問題，但這7個月好像沒有事了，果然辭職能醫百病。來到英國後，工作又有了另一種意義。可以更容易融入當地生活，認識當地朋友和有更多講英文的機會。另外就是，之前預留了大約3年的生活費現在可以用來作期權Short put 預備接貨用，增加現金流。當然，我最終目標都係唔洗做，有穩定現金流!

Mathilda

2022-06-08

未分類
[美股期權] 2022年5月期權收入

5月的期權收入有$8,415 港幣，比起4月的時候多了一倍。主要是5月的期權策略比較進取，因為想幫補多一點生活費，但我時刻都提醒自己不要過份貪心。做期權short side 贏面大，好容易會做多了，只要突然來一個大爆升或大爆跌就可能會把之前賺到的全輸光。所以不時要提醒自己，無論多進取都要 “有幾多錢做幾多sp有幾多貨做幾多sc” 。之後6月的期權金應該會再有所提升，主要有2個原因: 1.) SHOP 拆股，有多一隻股可以製造現金流 2.) 來英一個月，終於找到工作，之前預留大約3年左右的生活費可以用來做Short Put 預備接貨用

Mathilda

2022-06-04

期權
[移民英國] 英國租樓初體驗 + 屎忽撞棍避開了幣災

到埗了幾個星期，終於算是落實了住的地方。話說英國搵屋租比我想像中不容易。首先可能最近這個月demand 真的很大，我們試過Walk in 找過幾個agent，都說附近沒有盤或者有些盤是7月之後才available。上Rightmove , Zoopla搵盤，基本上post 了超過3天以上的，大部份都已經租出。所以到了後期，我就是每天早上refresh 一下有沒有新盤，合適的就逐一打電話。 Agent 會問有什麼人住, 工作, 入息之類。一開始，我說我們剛到埗正在找工作。即使願意付半年到一年租，他們都不會考慮租給我們，因為很多業主都要求租客有正職和對入息有要求。因此，我收了很多reject 的電話。之後我又改變策略跟他們說明，我們有足夠的saving, 能付幾年的租，這招很有用，起碼能換到一個睇樓的機會 (當然，他們是會要求看銀行Statement去證明你真的有足夠saving的喔)。睇完樓後，出offer。基本上，全部都出高了25-50鎊，付一年租。由於真的有太多人爭，一個單位基本上有3-5個客人出價，所以兩次出價我們都沒有收到offer。我們的budget 大約是底於1400英鎊，由於工作關係，都選擇在zone 3 內。最後。我們睇到一個今年剛落成的新盤，有24小時concierge，傢俬全新，交通方便的地方。當然，單位會比較細而且在比較雜的區。但他們可以等到我們6月底才起租，重點是他們不只得一個盤，所以不用同人爭。衡量過後，就直接租這裡。總結一下，可能我們的budget是在1400英鎊及選擇zone 3 內，所以比較多人爭。如果選擇Zone 5, 或者Zone 3 內budget 有1600英鎊以上應該會比較容易。另外，新盤多單位由大業主放出來會比較容易租。舊盤，小業主可能就只有1-2個盤，如果多人出offer，小業主就會選擇租客，競爭會比較大。 =========================================================================== 話說前排，我都有做UST 收息 20%，做了1-2個星期，覺得個幣價好似慢慢跌緊。睇返收返黎既息加上幣價跌，放左兩個星期都係打和，所以就直接Redeem。加上要來英國的關係，賣了手上全部加密貨幣，所以屎忽撞棍避開了幣災。現在的的操作很簡單，只有按計劃儲股和做有covered 的Short Put/Short Call製造現金流。Settle down 後，會再慢慢儲幣。

Mathilda

2022-05-21

移民英國
副業和被動收入

以前係香港返工時，有一個男同事被女上事針對，我是旁人看在眼裡都覺得好離譜。但男同事是一家之主，家有老婆和女兒。即使受氣，未搵到工之前都不能夠Resign。自始，我更加體會到有副業或者被動收入的重要性。在這幾年，我開始建立自己的副業和被動收入，但建立得有點佛系，有時有時無。現在，我比較倚賴的被動收入和副業有期權金，加密貨幣收息和接少量freelance。最近個市大上大落，我唔敢做太多期權而導致期權金收入大跌。寫這post 是開始讓自己量化這些收入，set 個目標俾自己。加上，建立多元收入真的好重要。以前買匯豐收息就可以夠退休，但20年後的今天，已經唔係呢個玩法。加密貨幣收息 – 主要做USDT 收息，因為來英國的關係已經暫停了，過幾個月settle down 後會重新投入收息期權金 – 會繼續做SP, SC，但會減產。因為之前個玩法，上年都還可以。今年市況極端，一日可以20%上落，做期權真係唔可以太進取。要細水長流，會做返保守一點 Freelance Digital Specialist – 這個新的副業是我上年休息6個月的時候開始的，幫人起網店和IG，都接到1-2單job，應該要做大少少，希望一年都有幾單做下自媒體 – 寫blog 分享已經兩年，其實都好佛系，今年開始有個IG。希望之後一星期都有1-2個post 做返起個人氣。可以透過自媒體有點收入物業收租 – 原本年半前有個機會可以達成，但衰on9，不要再說了，之後會再努力。股息 – 2017-2019年的時候，我是以儲股收股息為大前提做投資。之後，賣晒收息股轉買美股，就再沒有收息了。我覺得今年都係一個好開始再儲收息股。網店 – 從16歲開始到剛畢業都有斷斷逐遂做一些少買賣，包括有化妝品，書，電器，代購和偶像週邊商品。每次都只是持續一段小時間，不能sustain。最近又有新想法想開一個網店賣自己手作野，希望今次這個可以sustain。

Mathilda

2022-05-07

期權
[美股期權] 2022年4月期權收入 (4K) +到埗英國

今個月期權收入有4千HKD，比起之前大幅跌左。因為個市真係好麻麻加上想留多D錢做生活費, 所以減少了做SP，只做少量SC。做期權真係要控制住自己唔可以貪心，咁就可以安心月月有現金流。另一個好消息係SHOP 同TSLA黎緊會拆股，呢兩隻股係我proforlio 重倉股但又因為股價太大唔多適合做期權。拆股後，我就可以有多兩隻股製造現金流。至於我個美股porfolio, 都係跌到慘不忍賭，基本上我都少睇。因為一早set 好左plan ,到價就做買賣。 ======================================================================== 講左咁耐，終於都到左英國。未到之前有D焦慮，到左之後呢度天氣好好，周圍行下又訓得幾好，反而焦慮少左。黎緊會多D係到分享英國生活。

Mathilda

2022-05-01

移民英國, 美股, 期權
[美股期權] 2022年3月期權收入 (21K)

寫2月期權收入時，個市仍然係大跌中。當時我說停止SP, 只做少量SC。之後短短一星期，成個市況逆轉。基本上SC 的貨已全部call 晒出去。以SHOP為例，短短4日由$512 升到$780 升左52%。我平時做SC基本上會開價外10%-20%左右，以為都算安全，遇到呢D市就真係左一巴右一巴。做期權short side ，最好個市唔太旭, 就可以月月收息。做SHOP 呢種股價偏大的股，本身持股就不太多，一張期權被行使就call走大部份貨。所以4月的策略又要改變，雖然個市升左唔少，但成長股股價還是偏低。我會以慢慢儲股為主加少量細價股SP+SC。總之想做到的是期權買賣不影響我原本的正股計劃，寧願佛系收少D期權金都唔想太進取整亂正股Plan。

Mathilda

2022-04-05

期權
[英國移民］新加坡電視台-BNO移民特輯

特輯上半部睇到佢地困難重重，未有Visa, 未搵到工。去到下半部，已經見到好明顯既改變。小朋友改變最大，已經返緊學，好快融入到其他同學仔。太太都好叻，搵到份Recreuitment 工。影片入面都提到佢地做餅廠，入面有好多香港黎既專業人士，有好多都有master畢業都係做同一份工作。前幾個月對移民都無咩大感覺，呢個月開始搵工就終於感覺到少少壓力。嘗試過send CV，十份入面有一份有得見，始終都無好似係香港一樣得心應手。所以睇到呢個報道，其實都係一個鼓舞。身邊都有朋友去左英國，條path 都係一開始先做廠，之後就搵到admin 工。如果係Manchester 會容易生活少少，但如果係London, 其實都唔太容易，因為租金都高。移民去英國，如果已經係香港供滿層樓，賣左層樓去英國生活，係easy mode。但如果未累積到太多資產，其實都唔容易。係香港工作十年，所有事物都上晒軌道。現在好似重新返去Fresh grad mode, 跳出confort zone 再黎過。

Mathilda

2022-04-01

移民英國, 移民準備
移民斷捨離 – 書

最近要清理很多東西，基本上書這些很重的東西，我都不會帶走的了。看看有沒有人會想要，以下是書名的例表。書的圖片可以到我的ig story 看: https://www.instagram.com/s/aGlnaGxpZ2h0OjE3OTM4MDY5NjU0ODUwMjU1?utm_medium=share_sheet PS: 由於有些書已經有一段時間，所以可能會有發黃的情況。會用順豐到付，書不是放在我身邊，所以統一逢星期三寄出。理財雲地 – 我們很窮，所以變成有錢人 ($50) 期權先生 – 期權現金流 ($50) 小子 – 零成本股息投資法 ($ 50) 黃泰為, 區塊客 – 比特幣投資全書：專家教你買賣加密貨幣Step by Step ($50) 哲學三島由紀夫 – 不道德教育講座 ($50) 飲荼 – 史上最強哲學入門:從柏拉圖、尼采到沙特，解答你人生疑惑的31位西方哲人 ($50) 飲荼 – 史上最強哲學入門：從釋迦牟尼、孔孟老莊到禪宗，啟悟自我內心的13位東方哲人 ($50) 傅佩榮 – 一本就通：西方哲學史 ($50) 普朗光 – 道德經 ( $10) 張燦輝 – 生死愛欲I：從希臘神話到基督教…

Mathilda

2022-03-11

移民準備
一個人搬出黎住既日子

我大約從二十六歲開始就搬出來自己住。跟香港大多數年青人一樣，都是因為家裡沒有屬於自己的房間，沒有一個位置放屬於自己的東西。香港樓價高企，想搬出黎住唔容易，尤其係對工作不久的年青人。到底應該儲錢買樓定及時行樂租屋住? 我最後選擇了後者。第一次搬出來住, 我選擇了租北角的劏房, 月租屋$5,800，大約130呎。由睇樓到租樓大約用了2天時間。劏房雖少, 但有自己空間已經好開心。從那時開始，留意多左香港樓價情況。同時，也因為深感單靠人工難以買樓，所以從那時開始學習投資。當搬出來住之後，有屬於自己既空間，思考既野又多左，個人都成長左好多。隨住之後轉工升職加人工，就開始慢慢搬去較大的單位。如果你問多我一次，會唔會後悔搬出來住，儲少左錢。我會話我好後悔太遲先搬出來住。有能力既話，應該愈早愈好。當然，搬出黎住之後，支出大左。我盡量都會控制租金唔好超過人工3成。而且，盡可能搵多D方法開源。

Mathilda

2022-03-09

未分類
2022 年期權收入 (1月51k, 2月23k)

有一段時間沒有update，報返呢兩個月期權收入。 1月有$51,290 ， 2月有 $23,786。看似都唔錯，但呢兩個月接左既貨都係挨價。我做期權主要係short side 為主，做到月月收息效果。不過黎緊市況唔太好，我要留多D cash 係手，唔會做太多short put。我都係期權新手，技巧仲有待磨練。今年既期權策略會有D改變。希望可以優化到成個portfolio。

Mathilda

2022-03-07

期權
回歸基本

大市最近兩個星期極不穩定，打杖消息又彈出彈入，加上我手上重倉的都是成長股，基本上個倉被血洗。既然係咁，都無辦法啦。一切回歸基本步，保住個本，過到呢個熊市就係冠軍。為左可以無驚無險過到呢個熊市，早幾天止蝕了一點入價的Short put 和沽空幾隻股票，取回資金。現在，現金比例大約60-70%。每跌5-10%會買入一點TSLA 和 SHOP (TSLA 和SHOP 大約在$800左右開倉)。如果DIS 和 AAPL 有機會跌到 $120 左右的位置也會開始開倉。剩底的成長股, 差不多跌夠9成時，我會買入一點駁返彈。即使不能返彈，成本不多也可以做Short covered call 回血，增加現金流。另外，短期內不會或只做極少量的short put。過到呢個熊市, 一段時間過後，又會是另一個光景。

Mathilda

2022-02-24

未分類
[美股] 戰爭對美股的影響 – 第一次世界大戰

最近俄羅斯與烏克蘭局勢緊張，歐美等國家也受到牽連。加上全球大疫症，網上流傳恐會有第三次世界大戰。如果真的開戰，到底對股票市場又有什麼影響 ? 我們來看看在第一次及第二次世界大戰時美股是什麼情況。美股3大指數中，S&P 500 和 NASDAQ 都是二戰後的產物，所以這裡我們會分析世界大戰對於 Dow Jones 的影響。第一次世界大戰 (1914年7月28日 – 1918年11月18日) Source: Winton.com 戰前(1913年1月 -1914年7月): Dow Jones (100–>80), 跌20% 戰前，道瓊工業平均指數一直在80-100之間徘徊，即使去到1914 年初，開始有暗殺和敵對事件。報導仍然是很樂觀，投資者並沒有太大反應，市場慢慢從高位回落20%。戰爭開始 (1914年7月 – 1914年12月) 4.5月: Dow Jones (80 –>49), 跌40% 紐約證券交易所暫停交易4個半月 2014年7月28日，奧匈帝國 (Austria-Hungary) 向塞爾維亞 (Serbia) 宣戰。投資者恐慌並且立即在市場上賣出股票。全球大部份股票交易所, 包括紐約證券交易所即時關閉直到同年12月14日重開，歷時4個半月。投資者不能在主要交易所買賣便轉到場外市場交易。道瓊斯工業平均指數工業指數在11月時的場外市場曾趺至49.07，下跌40% 戰爭前期 (1915年1月 – 1916年11月) ~2年: Dow Jones (49–>125),…

Mathilda

2022-02-14

美股
[期權] 2021年期權收入 – 46萬

$[期權] 2021年期權收入 – 46萬$

遲來的2021年期權總結，2021是開始買賣期權的第一年。之前幾年都有睇相關文章但一直未敢實戰，明白理論但不太懂得操作。落場實踐過後才發現不太難 (操作不難，但要學精就另一個層次的事)。期權最基本4步有Short call, Short put, Long call 和 Long put，其他再深層次的期權策略都是建基於這四式。我一般會做Short Call 和 Short Put，偶爾會做一點Long 但Long 的操作不太適合我。我喜歡月月收息的感覺。有人說Short 會輸身家是洪水猛獸。是的，Short 絕對會令你有一身債。尤其是對於沒有Planning, 沒有自制能力的人。但Short 運用得好，是一個不錯的被動收入。上年的回報有46萬，看數字是一個不錯的收入。但嚴格來說，真正的收入應該大約只有20萬左右。因為過度做Short 會打亂了原本的正股plan 和做錯誤的決定，以致贏粒糖輸間廠。其實我一般是做有Cover 的Short (即有幾多現金就做幾多Short put, 有幾多股就做幾多Short call)，可是人是貪心的，做幾個月見穩陣就不自覺加碼。所以現在我會把所有期權交易都放上Excel 表，只要入價，Different 那行會變綠色，讓自己更容易撑握整個組合。實戰一年後有以下少少心得: 做Short side的，如果想每月有總資產0.5-1% 收入其實風險不太大，是一個不錯的被動收入 (當然都要視乎你點做) 2-3%以上開始有點風險我只會做我組合裡有的股票，可以用來降低成本一定要做有cover 的 short call 和short put，有幾多錢做幾多Short…

Mathilda

2022-02-10

期權
[美股] 一周財報及 Cloudflare ($NET)

Source: Earning whisper 今個星期earnings, 值得留意既有cloudflare $NET。曾經升差唔多20 倍去到$220, 再趺60% 去返$80。最近又升返30%去到$110 左右。 Cloudflare ($NET) 是一間位於美國的website security 公司，提供CDN 和防止DDoS 等服務。其中主要業務CDN 更是行業龍頭，類似的公司有Fasly 和Amazon 的 AWS。 CDN market share Source: https://kinsta.com/cloudflare-market-share/ 因為工作的關係，經常會用到Cloudflare，所以由IPO開始已經有買。係一間成長中既公司，股票值得長線投資。但短期而言, 公司未開始賺錢。股價雖然已趺一半但仍然係偏高，而且2星期內已由底位升左30%。

Mathilda

2022-02-08

美股
[加密貨幣] USDT 收息 4-7厘

由於即將移民，基本上已經賣晒手上的crypto 。剩底的錢又無用，不如放係Binance 收息仲好啦。宜家Binance USDT staking做緊4-7厘 (0-2000 USDT 7 厘， 2000 – 75000 USDT 4厘) 好過放銀行。呢幾日，加密貨幣升左好多, 錯過左升幅。無辦法啦, 唯有唔開app 睇少D ，反正賺錢機會幾時都有。做加密貨幣收息，最大concern 係個平台安唔安全，易唔易出金。之後有聽過朋友玩Tinder俾人呃放錢入假平台，最後血本無歸。所以係選platform 方面都係小心為上，同分散風險。至於出金，so far 5萬5萬咁出，分左3-4 間virtual bank 做，出左幾十萬都okay。未俾銀行問或者freeze account ==================================== 可以係IG Follow 我喔! IG: financial_freedom_road

Mathilda

2022-02-06

加密貨幣
新一年

新一年，開左個 IG 9 up 下。 Ig 係 financial_freedom_road。放左一個月假開始有d無聊，係時候要搵定英國工同租屋，為去英國計劃下。

Mathilda

2022-02-04

未分類
[英國移民] 英國電話卡 – giffgaff (6 GBP 一個月)

2022 年開局, 美股慘不忍賭，我都無眼睇了。手上的股票都跌了8-9成，不斷rebalace 再rebalace ，總算有足夠cash 係手。另外，TSLA 和 SHOP 都在我watching list 中，會遂步入貨。至於加密貨幣，已全清。截一截數，去到英國再買，方便計算capital gain tax。 =========================================================== 因為想開始搵英國工，所以要準備定個英國電話號碼。做了一輪資料搜集，決定用giffgaff。由申請到收到卡大約一個星期。免費拎電話卡 – 先到https://www.giffgaff.com/orders/affiliate/mathilda43 (用我的link 可以有5 GBP credit), 填寫你的名字和地址, 一星期左右就收到電話卡 Activate 卡 – 收到電話卡後,上giffgaff網輸入 activate code和選擇plan, 最平的plan 是 6 GBP 一個月香港收電話/SMS – giffgaff 的所有plan 都不包international call 和SMS, 需要另加credit (最少10 GBP) , 遂個call 同message…

Mathilda

2022-01-31

移民英國, 移民準備
一隻GALA 撐全家

今朝起身, 大部份幣都跌了10%以上。唯獨GALA一隻撐起全家。 GALA 是 Portfolio 中 BTC, ETH 以外重倉的幣。Market Cap 排 #225。會買的原因是我看好play to earn 這個版塊，而大部份能在Binance買到的Play to earn 幣已經有一定升幅。最近在玩其中一隻GALA Game – Town Star, 還在摸索階段，有機會再寫玩後感。

Mathilda

2021-11-17

加密貨幣
幣圈一日人間十年

我身邊有些朋友都開始想買加密貨幣但卻不知從何入手。情況就像我幾年前想買美股, 上年想買加密貨幣一樣。一直覺得好煩所以遲遲未開始但我知道我再不開始買會後悔, 所以今年頭終於的起心肝, 開個Binance 户口試一下。幣圈的消息量很高，短短1,2星期都可以有很大變化。一開始我建議只取一部份資產去投資 10-20%左右 ,蝕了都不心痛的份量。畢竟即使cypto 真的是我們的未來，這些沒有監管的東西可以話走就走。而且crypto 的世界確實是有很多scam 的。以下是我建議的由淺入深的crypto 了解過程。先開Binance户口, 用P2P入金購買穩定幣(USDT), 再用USDT購買大幣如Bitcoin (BTC), Ethereum (ETH) 嘗試Binance P2P 出金再嘗試用Binance 購買Altcoins (Bitcoin 以外有潛力和爆發力的幣), 如 SOL, ADA,FTM 等等 Staking , 在Binance 裡做Staking收reward (5-100% APR), 有點像我們傳統經濟體系的定期收息使用wallet Metamask 做各種幣的transfer 當學懂用Metamask 之後, 就可以嘗試GameFi, Play to earn, 購買NFT, 其他DeFi project ,…

Mathilda

2021-11-15

加密貨幣
我們需要對我們投資的產品有充分的了解嗎?

故事一 2021年頭我開始投資加密貨幣。對於Crypto 的認識除了是平時媒體報道比特幣又升穿多少和交收比特幣被打劫等消息外，在幾年前讀master 時曾經需要讀blockchain。當然不是很深入, 學識了什麼是blockchain, distributed leger technology 和asymmetric encryption 等等。當時有份功課我覺得很有趣的 “How to apply blockchain on stock exchange” 寫了二十頁, 用到當時算比較新的技術 – smart contract 來讓股票交易自動execute。印象中最後不太高分。做功課時我在想，用到smart contract 的ETH 好像很利害, 應該會大升吧。 (當時BTC 大約是3000 USD, ETH 是100USD)。有幾個教我們的professor , 他們了解bitcoin 的技術和其潛力但都叫我們不要買bitcoin或者說不能理解bitcoin大升的原因, even 到了今年, bitcoin已升到 3-4萬美金時仍然叫我們不要買bitcoin(語氣是認真的,不過沒有說原因)。故事二這個星期我手頭上有兩隻股票出財務報告LMND 和WISH。LMND 表現是不錯的 YOY IFP 升了86% 而WISH 則非常差，YOY Revenue 趺了約30%。整體來說LMND的財務報告是算好的,…

Mathilda

2021-11-12

未分類
[英國移民] – 移民前準備清單

已經休息了兩個星期, 有點懶散。先寫低移民去英國的checklist , 希望走前唔會做漏野 (Checklist 可能會不定期更新) 我們兩口子過去, 準備的事項會比較簡單。申請BNO Visa 換領BNO 網上申請BNO VISA TB test 工作辭職清稅搵英國工學習考ielts 報master (搵工報master 同步進行,到時睇offer再決定) 機票/住屋/買車 book機票 book 2個月airbnb 睇定英國租樓睇定英國買車香港退租 cut水,電煤, 上網財務開晒大部份virtual bank (For crypto 出金用) 取消唔用的香港銀行户口開晒所有網上理財處理銀行宣傳信件取消部份credit card 開additional IB 同crypto account 分開英國資產離開前賣晒香港部份的資產開HSBC UK account 開離岸户口見稅務顧問…

Mathilda

2021-11-11

移民英國, 移民準備
[英國移民] – IB開sub account作準備

由於要準備下年移民, 這幾個月不斷研究英國稅務資料。其中一樣就是股票。我現在的股票户口主要用IB, 跟幾個稅務顧問討論過, 大部份都建議我走之前先賣走股票, 去到英國再開户口買入。我並不想這樣操作。首先我的股票基本上是長期持有，如果我走之前賣有機會不是good timing 也可能會錯過了升幅。而且，大部份稅務顧問建議走之前先賣掉是因為他們assume 了那些股票像樓一樣有一定升幅, 走之前賣可以避開capital gain tax。但如果我不賣掉股票，一直持有現在的户口。由於户口曾經有很多交易，會很難清楚計算股票的成本 (例如應該是FIFO, LIFO 還是 Maximize Losses 等等)。所以我想到一個方法, 應該是可行的。就是在IB開個 additional account, 這個account只買不賣，到英國時才賣。而原本的account 就在走之前清空。半年時間可以慢慢搬倉去新account, 去到英國之後聯絡IB 把新account 轉到UK (已經與IB職員核實過可行)，由於capital gain tax 只計算realized gain, 新account 去英國前未賣過股票, 就可以清楚分開兩筆資產。至於開 addition account 方法好簡單，Log in IB account, 按右上角人仔—>Account Setting—>Open an Additional Account 填完資料之後1-2日就可以用到

Mathilda

2021-11-10

移民英國, 移民準備, 英國理財
2021年10月結 (2.7M)

將近一年沒有更新組合情況，事隔一年組合升值大約1M, 不過不失。最重要的是這一年學習了更多投資知識, 令到我的組合更加多元化，也令到我更有決心辭職, take 個long break。為半年後去英國做準備。現時組合大約分3部份，美股，加密貨幣和現金。老實說美股今年的表示不太好，從1月高峰回落後一直浮浮浸浸。我最重倉的LMND , 原本升到$188可以賺到大約80 HKD, 可惜沒有賣出，最後見才化水，但我仍然持有並以期權增加收入。現時組合有LMND, NET, OTLY, WISH, PLTR, FTCH, FSLY。今年5月開始入市加密貨幣，現時佔資金大約12%左右。香港並不是crypto friendly 的城市，出金很麻煩。所以我也不做太多操作，留待去英國後再作打算。目前持有BTC, ETH, ADA, SOL, GALA, FLOW, NEAR。現金方面主要是留作期權接貨備用，這半年做期權SP, SC,確實帶來穩定的收入, 但有時也會贏粒糖輸間廠。所以要不斷檢討和進步, 以下是這半年的期權收入:

Mathilda

2021-11-05

美股, 加密貨幣, 月結, 期權
差不多又到年尾

對上一次寫blog已經是3月的事。 7個月間無論是工作, 生活和投資方便都發生了不少變化。工作方便, 宜家份新工由3月開始做, 原本打算做夠一年。最後都係頂唔順, resign 左。由於黎緊將會離開香港, 所以都唔打算再搵工。咁係咪財務自由? 又未算, 但都想休息下, 畢竟畢業工作到現在都沒有停過。我好感恩自己幾年前開始投資, 即使未能財務自由, 但最起碼生活上有得選擇。投資方面, 比起7個月前已經又學左好多新野。除了買美股之外,現在也有買加密貨幣, 持倉以btc, eth, sol, ada 和gala為主。另外, 也有開始玩期權做SP, SC 黎緊休息, 多D時間可以再寫多D關於呢方面既野。

Mathilda

2021-10-13

未分類
幾個星期蒸發了140萬

已經好幾個星期沒有更新倉位。主要原因是懶！哈哈。從上年10月到1月，我的資產基本上每個月上升20-70萬不等。到1月由LMND和GME帶來的升幅更高達140萬。我把GME完全賣出了，最後獲利90萬（如果我當初升到500時全賣應該有150萬）。那星期基本上每身邊的朋友都說GME。 GME這一役我可以算是非常LUCKY, 因為我有用孖展購入，也有在適當時間賣出。現在回想操作太RISKY，下次不敢了。可惜2月中開始科技股大插水，我重倉的LMND已經跌了60%，令1月的利潤完全蒸發。不過還未用到孖展，所以都算是坐得安心。現在步步為營，留錢in case再大跌時可以入貨。

Mathilda

2021-03-06

未分類
2020年10月結 (1.8M)

遲來的10月結。其實我的操作是很悶的，就買來買去都是那幾隻股票，沒什麼特別好寫，但這操作令我睡得安心而且偶有驚喜。港股方面，終於都把最後2百多股中銀香港賣出。現在的倉是純美股。總結一下投資港股3年，以月供股票為主，3年來總共賺了$9766 港幣。我只可以安慰自己，當儲錢。月供股票或者在十年前是有效，但好明顯現在是不合時宜。等於10年前買樓成功不代表現在買樓也會有一樣的回報。正如現在買美股升到澎澎聲，但幾年後又可能是另一個光境。所以要不斷學習和改變。說回我的美股組合，美國大選的這兩個星期，我手上的股票大升。差不多每天睡醒都看到有6位數字升幅。所以我分階段賣出了近份股票，鎖定利潤。如果大跌，可以有資金再買。 Farfetch（Ftch)：這支股票一值不太多人討論，但卻是我收集的第一支股票。從$6 開始收集，成本價是$15.26。比起2個月前月結時的價錢升了大約63%。主要是因為Alibaba和Richemont都投資了farfetch 這個消息一出，升了2十多個% Cloudflare (NET): 上星期出了ER，其後升了2X%。早前這隻股票妹下妹下，和同類型股票FSLY比完全是龜速成長，現在終於起動了。 FTCH 和NET的收集行動算是完成了，讓他們自由成長。現在正在收集DDOG和LMND，都差不多收集了60%。是時候再尋找1-2隻倍升股再收集。股票股數成本價現價回報率價值（USD) 價值（HKD) 佔比% Datadog(DDOG) 415 88.34 100.35 14% $41,645 $324,833 18% Farfetch(FTCH) 1475 15.25 42.48 179% $62,658 $488,732 27% Cloudfare (NET) 1330 36.21 64.47 78% $85,745 $668,812 37% Lemonade (LMND) 730 55.42 61.37 11% $44,800 $349,441 19%…

Mathilda

2020-11-08

美股, 月結
Cloudflare (NET) – 一日升24%

紀錄一下昨天NET 一晚升了24%。NET 一直都是我其中一隻重倉股，可惜之前FSLY 一直急升了幾轉，NET 還是沒有什麼起息。終於在昨天來一個翻身。現在每升5%，我都會賣出20股鎖定利潤，如果下跌也會補買回之前賣出的股票。由於NET 還是處於急促增長的階段，我還是會不斷收集的。

Mathilda

2020-10-13

未分類
2020年8月結 (0.9M)

上一篇提到FSLY 和 NET 當中選擇了 NET。結果，FSLY升了幾轉NET就一直在37-40中徘徊。NET 是好公司，我還是會持有的，但卻做了很差的操。主要是衰貪心，怕升了後不能再買，在40-44之間買了很多。星期4-5 的大跌中，為了減低風險，於35USD 賣了700股。另外，賣走了 V，FB，UBER，PIN，SPCE。減持V和FB主要是沒有資金，有機會一定再買。組合中加了DDOG，LMND和TSLA。希望今次回調有機會收集更多。由於資金有限，是回調還是股災還未知。之後每跌5-7%我都會買一點。股票股數成本現價變化價值（HKD) 組合佔比中銀香港(2388) 246 33.2 21.7 -34.66% $5,338 0.5% Datadog (DDOG) 200 83.1 79.6 -4.29% $124,129 12.7% Farfetch(Ftch) 1460 16.3 26.1 59.80% $296,657 30.4% Cloudfare (NET) 1350 38.4 34.8 -9.48% $366,128 37.5% Lemonade (LMND) 250 56.7 47.3…

Mathilda

2020-09-05

美股, 月結
Cloudflare與Fastly

NET一直是我重倉的股票，會買的原因好簡單，就是我做過的幾間公司都有用NET，只有一間是同時在用NET和FSLY。這個星期業績公佈後 FSLY下跌了大約30% 而 NET則曾經升上10%，再下跌10%。在今次業績中NET 有48% 增長而FSLY 則有62 %。FSLY下跌的完因主要受到Tiktok影響。以這個收入升幅，兩個都是值得長期持有的公司。但FSLY 有點升得過急，所以我還是stick with NET。

Mathilda

2020-08-08

未分類
2020年7月結(0.9M)

7月是豐收月。首先是買了差不多3年的港股基本上全部賣出，只餘下246股 2388，因為懶得登入e-banking所以就留下收息吧。回顧2年半月供港股之路，把收息計在內總共賺了6千大元。興幸上年開始買美股，而在港股大跌前賣出，以致不用蝕本。至於美股，其實我的操作好悶。基本上沒有什麼技術可言，買來買去都是那幾隻。由於資金有限，暫時主力以儲FTCH 和NET 為主。兩隻都是行業龍頭，Unicorn而股價還未爆升。剛於7月上市的Lemonade (LMND) 也是在我的watching list內。股票股數成本現價變化價值（HKD) % 中銀香港(2388) 246 33.2 21.6 $5,314 -34.96% $5,314 1% Visa (V) 101 171.6 190.4 $19,230 10.95% $149,997 16% Farfetch(FTCH) 1110 14.0 25.63 $28,449 82.87% $221,905 24% Cloudfare (Net) 880 33.5 41.62 $36,626 24.15% $285,680 31% Pinterest (PINS) 200 20.2…

Mathilda

2020-08-02

美股, 月結
2020年6月結(0.4M)

差不多兩個多月沒有寫blog，主要是5月忙著搬家的事。美股自3月大跌後一直升唔停，原本想著要等跌才買但一直都沒有機會出現。所以5月開始，只要回落少少就加注，升少少又放一些，志再有參與。畢竟現在很多股票在高位，實體經濟又未正式恢愎，還是買得保守。至於港股，正在慢慢地沽出，暫時都不會再買。股票股數現價價值（HKD) % 新意網(1686) 5000 6.07 $30,350 7% 中銀香港(2388) 3746 24.65 $92,339 21% Visa (V) 93 193.17 $140,126 32% Farfetch(Ftch) 480 17.27 $64,659 15% Cloudfare (Net) 140 35.95 $39,257 9% Pinterest (PINS) 40 22.17 $6,917 2% Uber (Uber) 50 31.08 $12,121 3% Facebook (FB) 4 227.07 $7,085 2% SPCE （SPCE） 400…

Mathilda

2020-07-01

美股, 月結
2020年4月結(0.3M)

忙碌的4月終於過去，工作上完成了一個大project，有一天還在公司工作了24小時。學業上，原本應該是更忙的，但最後真的是太大壓力所以drop了一科。這個選擇是正確的，否則我應該壓力大到不知怎樣了。股票方面，其實我在4月中已經賣了大部份股票，雖然賣出後股價依然在升，但這個份量的持股我比較安心，等股價跌一點再買吧。雖然香港連續5天沒有確診（今天又有兩單），但我每天都在留意美國的確診人數，上個星期仍然是3萬多，2萬多更本沒有回落。所以現在高位，我不會入貨作長線持有。不過，由於4月股價都是不斷在升，要等他下跌才買太被動，我上個星期開始試試做即日鮮，但只用很少成本，每天1-2萬港幣，賺4-5百元就走。試了一星期還可以，志在玩玩，幫補生計，如果見不對路就停手了。以下是4月結，距離財務自由的路還有很遠喔～股票股數現價價值（HKD) % 新意網(1686) 14000 5.53 $77,420 9% 中銀香港(2388) 3746 23.85 $89,342 10% Visa (V) 95 178.72 $132,432 15% Farfetch(Ftch) 200 13.24 $20,654 2% Cash $561,934 64% Total $881,782 100%

Mathilda

2020-05-01

美股, 月結
Farfetch (FTCH）2020年第一季業績

4月17日出了初步業績數據, 疫情令增長有所放緩，但仍然有穩定增長。預計成交數據(GMV) :+43-46%Digital Platform GMV:+17%-19% Farfetch 是Luxury fashion 的電商界龍頭，像是luxury 界的Amazon。與其他Luxury 電商不同的是他們並不是買貨賣出，而是和世界各地不同品牌，店鋪合作，把他們的貨品放上farftch平台銷售，從中收取大約2X%的手續費。今次疫情，有很多歐美的店鋪或者網店停工，由於farfetch的貨品來自世界各地，雖然對營運會有影響，但不算太大。而且，店鋪關閉，客人不能到歐洲購物，為網店帶來很多機會。唯一比較擔心的是經濟不景，失業率高會令購買Luxury的意慾減退（不過我今個月都有在Farftch 購物，哈哈）。業績公佈後，股價有微升，但因為股價已經由4月頭$6.X 升到$12.X足足升了一倍，所以我也減持了大部份，如果跌回$10以下會再買入，長期持有。

Mathilda

2020-04-18

未分類
減人工

昨天，上司突然問我如果把commission 那一part 減少了我有什麼看法。其實我可以有什麼看法，是不是我說不想減就不會減？不過其實減了也無關痛癢，因為在這裡工作幾年，能夠拿到commission 的月份只有一次，而且銀碼很少，食一餐貴少少的都用完了。不過，我真的要想想開源節流，留一點儲備，畢竟今次疫症不知道要持續多久。在香港，身邊也有很多朋友被減人工或放無薪假，但暫時好像還未聽到很多人陷入財政困難，仲頂得住。在美國失業率快破20%，最近工作上會偶會遇到一些美國人要求取消訂單，然後就說自己很慘，全家都失業好等錢洗，或者說自己因為肺炎沒有工作已經沒有錢了，圍數不少。我們賣的不是必需品，下單和取消訂單只是相隔數小時，我希望他們只是爲了能夠取消訂單所以把自己說的很慘，否則這種時勢還要全家失業沒有錢還是省點好。

Mathilda

2020-04-15

未分類
買賣紀錄 – 2020年4月15日

一邊升一邊減持，尋日$10.5賣左300股FTCH, 今日$11.5 再賣出200股，密食當三番。 Farfetch （FTCH） Date Action Share Unit price 14 Apr 2020 Sell -300 10.49 15 Apr 2020 Sell -200 11.49

Mathilda

2020-04-15

未分類
從Unicorn中選擇美股

Unicorn 係指市值超過十億美金私人Startup公司，Mega Unicorn 係指市值超過一百億美金私人Startup公司。係2013年開始美國venture capital fund創辦人Aileen Lee開始提出呢個講法並且被媒體廣泛運用。Unicorn O既特徵就係成長速度好快，但未有盈利，通常佢地會係好短時間之內先拎左個Market Share先, 之後再focus 係盈利。以下列出左已經係美國上市O既前Unicorns （上左市就唔係privately Held, 就唔算係Unicorn)。利申：我唔係推介以下股票，有D Negative O既講法係呢D公司未有盈利，但市值大集資速度快其實有機會係另一個 dotcom bubble。而且，你見到有瑞幸咖啡就知唔可以盲鐘鐘見係Unicorn就買。呢D Unicorn 通常上市時聲勢大，係上市初頭股價會急升。我會係煙花爆開之後慢慢睇佢業績先會再決定買定唔買。呢堆股票入面，我自己留意緊ZM, WORK, NET, UBER, PINS, LYFT, BILI, DOCU, SVMK, FTCH, SPOT 黎緊2020年會有 Airbnb, Robinhood, Lemonade等等 Unicorn, 等上左市再update。 Startups Unicorn went public in US market （As of 13 April 2020)ps: D資料係我上網拼拼湊湊返黎，如果有錯麻煩指正 2019 (27 Startups）…

Mathilda

2020-04-13

未分類
我曾經也是月供股票的信徒

最初接觸股票係從月供港股開始，睇到有好多blogger例如理財見習生，夢想爸爸月供戰績令人好震奮。當時我打開個excel預想一下自己既月供計劃，覺得實無死啦，升就固然好，跌大不了愈跌愈供。就係咁，我係2018年7月開始月供，大約月供7-10隻。戰績如何？都未至於蝕，但就輸左2年時間Lo。我唔再月供有以下原因： 1.) 月供太過被動月供股票，買入時間同價錢已經定左。自己能夠掌握到O既因素太少，令到投資成效唔能夠掌握係自己手。 2.) 我已經識學識用RSI等 indicator睇高低位以前唔識睇高低位，唔知應該咩野位買入。宜家起碼識得用RSI，MACD 等睇高低位。雖然未至於係最高賣，最低入，但起碼都係係相對低位入，相對高位賣。 3.) 結果同心入面ge expectation有落差雖然一開始月供個時已經遇左大不了咪愈跌愈供，但其實自己睇住個profolio 2年黎都無咩肉食，都會開始有D 懷疑月供係唔係真係work。最慘係我只可以好被動繼續月供，都無咩可以做到。當然，我月供GE成效唔好仲有好幾個問題。就係我只係供左2年，未夠長等佢牛市升返上黎。仲有就係2019年頭明明有升返上去，但我就堅持月供唔係短炒，唔應該賣太多。同埋，我供成10隻咁多，完全係分薄晒而宜難控制。我覺得月供對於本金少同新手係一個好好認識股票O既機會，但供左一段時間就要檢討下策略。當然，宜家睇返其實問題都未必係月供度，可能係我供得太多又唔識放呢D操作做得唔好。唔知我第時會唔會再月供，不過經過2年麻木月供後我都係鐘意自己操作多D。

Mathilda

2020-04-12

未分類
收復失地

已經一個幾月無update個倉O既情況，3月頭到宜家簡直係過山車，見證過幾次跌到熔斷。我個美股倉高峰期大約係-12000USD到宜家+3000USD,算係復失地。有D 人話疫情開始緩和，但我覺得要所有經濟運動回覆正常仲有一段時間，都係留多D Cash好D。宜家有50% cash, 希望可以跌D等我入返貨做長線投資。 US Stock Share Unit Price Total Price (USD) Total Price (HKD) Visa (V) 97 173.69 $16,848 $131,414 Farfetch(Ftch) 1905 10.02 $19,088 $148,887

Mathilda

2020-04-11

未分類
Master第2年

Master就黎讀左2年，原本應該係今年畢業，但唔想太辛苦，諗諗下都係讀多一年。講返2年前Apply master, 當時係想搵Master 讀，自己做E-commerce, 所以都想搵番E-Commerce Master。當時Part time E-commerce master有幾個選擇： 1.) HKU – MSc in E-commerce & Internet computing 156000HKD2.) CU – MSc in E-commerce & Logistic technologies 172000HKD3.) CityU – MSc in E-commerce 148500HKD4.) PolyU – MSc in E-commerce ＊PolyU個E-commrce 岩岩上網搵好似唔見左，但就有一科叫做MSc in Electronic and Information Engineering CityU需要有IT related degree, CU又太遠。所以當時我只係apply左HKU同Poly。我係大約4月中臨Deadline先Apply, 2-3日後就收到HKU電話叫我4月尾去Interview。 HKU 係group interview, 一group…

Mathilda

2020-04-11

未分類
美股七連跌

對上一個星期，受到疫情影響連跌了7天，是繼2008年金融海嘯以來最大的週線跌幅。我的美股profolio 也在這個星期像過山車的起伏。由原本＋10% 跌到+2%，由於星期五尾市有回升，所以最後都是＋10%。後市會怎樣，沒有人知道，所以要控制好注碼。由於資金有限，而且今次可能會是一次大型的股災，所以我採取的策略是集中幾隻股票，即使大跌都容易掌握。暫時只會買，NET, FTCH, UBER, V。 NET：這一隻在大跌市之前公佈業績，業績公佈後最高升了26%。我也在高位減持了部分，而跌市這幾天，NET都只是由高位回落3%左右 FTCH：在上星期早段跌了26%，我在9.9 和8.9的位置增持了1000股作長期持有。星期四業績公佈後升了17%，我也減持了少少。 UBER:在35, 30的時候增持了200股 V：在201，188，176增持了65股美股股數股價價值（USD）價值（HKD） Visa (V) 90 181.76 $16,358 HK$ 127,596 Farfetch(Ftch) 2105 11.17 $23,513 HK$ 183,400 Cloudfare (Net) 350 21.3 $7,455 HK$ 58,149 Uber (Uber) 200 33.87 $6,774 HK$ 52,837 HK$ 421,982

Mathilda

2020-03-01

未分類
買賣紀錄 – NET

之前係RSI 大約45-50 的時候買左700股NET。尋日高峰期升左18%左右，係RSI 60 – 70左右賣左300手。如果RSI 再升上80會再減持，留低400股做長線投資。

Mathilda

2020-02-21

未分類
股票紀錄小工具- Ticker, Google Sheet

工欲善其事，必先利其器。有個好的小工具先可以清楚知道自己的買賣情況。剛開始買股票的時候只識走入中銀個Ibanking 睇自己買賣紀錄，極不方便。今日介紹呢兩個工具可能已經好多人識同用緊，不過都想Share俾投資新手，方便大家紀錄股票。 1.) Ticker （港股/美股） Ticker係一個免費的 app， Android 同 Apple 都用到。另外，佢地仲有個網頁。https://www.ticker.com.hk/ 只要log in番自己個account 就可以係電話或者電腦睇番自己的 Portfolio，超級方便。香港的App Store download 的版本只能紀錄港股，如果你想紀錄美股就要將app store 的country 轉去美國，Search 番Ticker，一搵就搵到，同香港版係一樣。另外，提醒番。見過有連登仔講過話覺得用Ticker mark mark 下條數會唔準。我估最主要係因為Ticker 紀錄買賣係用first in first out, 錦如果自己係用Average 或者first in last out 去睇，已實現收入同未實現收入個數可能會唔一樣，但其實你最後個 profit & lost 應該係一樣的。 2.) 萬能的Google Sheet Google Sheet 係網上版的Excel，只要有個Google account 就用到。每人用google sheet 的紀錄方法都不同。我自己就做了一個跟Ticker 差不多的版本，已經設定好formula。只要每次入日期，Buy/Sell，股數和價錢就會自動計算好P&L，而且有實時的股價（應該會有15分鐘delay)。主要是作backup的作用。如果Ticker 有什麼事，還有有google Sheet的資料。

Mathilda

2020-02-20

美股