理財

我曾經也是月供股票的信徒

最初接觸股票係從月供港股開始,睇到有好多blogger例如理財見習生,夢想爸爸月供戰績令人好震奮。當時我打開個excel預想一下自己既月供計劃,覺得實無死啦,升就固然好,跌大不了愈跌愈供。就係咁,我係2018年7月開始月供,大約月供7-10隻。戰績如何?都未至於蝕,但就輸左2年時間Lo。我唔再月供有以下原因:

1.) 月供太過被動
月供股票,買入時間同價錢已經定左。自己能夠掌握到O既因素太少,令到投資成效唔能夠掌握係自己手。

2.) 我已經識學識用RSI等 indicator睇高低位
以前唔識睇高低位,唔知應該咩野位買入。宜家起碼識得用RSI,MACD 等睇高低位。雖然未至於係最高賣,最低入,但起碼都係係相對低位入,相對高位賣。

3.) 結果同心入面ge expectation有落差
雖然一開始月供個時已經遇左大不了咪愈跌愈供,但其實自己睇住個profolio 2年黎都無咩肉食,都會開始有D 懷疑月供係唔係真係work。最慘係我只可以好被動繼續月供,都無咩可以做到。

當然,我月供GE成效唔好仲有好幾個問題。就係我只係供左2年,未夠長等佢牛市升返上黎。仲有就係2019年頭明明有升返上去,但我就堅持月供唔係短炒,唔應該賣太多。同埋,我供成10隻咁多,完全係分薄晒而宜難控制。

我覺得月供對於本金少同新手係一個好好認識股票O既機會,但供左一段時間就要檢討下策略。當然,宜家睇返其實問題都未必係月供度,可能係我供得太多又唔識放呢D操作做得唔好。唔知我第時會唔會再月供,不過經過2年麻木月供後我都係鐘意自己操作多D。

廣告

我曾經也是月供股票的信徒 有 “ 2 則迴響 ”

  1. 2018年7月恆指接近28,000-29,000點,至今組合沒有怎麼蝕已算是賺到的啦,哈哈!

    小弟都同意月供不夠彈性 – 單是不能每月控制哪天買入是很煩惱。有時買入當天要是高位又會很懊惱。供得少的話有時覺得貴,想賣,但又要當碎股(雖然據知中銀是可以市價賣的)。不過月供原意應該是平均成本,而時間就是月供的朋友,也許真的要待一段長的時間才能看出成果。(例如理財見習生的十年內銀倉,令人羨慕!)

    不過最重要都是找到自己喜歡的操作方法!Blog主加油!

    1. 認真計番條數都應該有蝕2-3萬,因為我計埋收息同埋有少量手動操作GE港股先岩岩打和T_T。
      呢兩年當交學費,不過月供股票都有令我儲多左錢GE。

      大家一齊加油!!

發表迴響